काठमाडौँ । नेपाल मजदुर किसान पार्टी निकट क्रान्तिकारी किसान संघले सरकारसँग किसानलाई समयमै रासयनिक मल उपलब्ध गराउन माग गर्दै प्रदर्शन गरेको छ । सो संगठनले शुक्रबार राजधानीको रत्नपार्क शान्तिबाटीकामा विरोध प्रदर्शन गरेको हो । संघले बढ्दो भ्रष्ट्राचारका विरुद्ध समेत आवाज उठाएको छ ।
अपरान्ह रत्नपार्कबाट सुरु भएको विरोध र्याली जमल, कमलादी, जुद्ध शालिक हुँदै रत्नपार्कमा पुगेर कोणसभामा परिणत भएको थियो । प्रदर्शनमा सहभागीहरु किसानलाई तत्काल रासयनिक मलको व्यवस्था गर, जोत्नेलाई जमिनको व्यवस्था गर, भ्रष्ट्रचारीहरुलाई कारबाही गर लगायतका नारा लेखिएका प्लेकार्ड र ब्यानर बोकेका थिए ।
