कञ्चनपुरको श्रीकृष्ण माध्यमिक विद्यालय कृष्णपुर ४ गुलरियाको आयोजनामा निःशुल्क पशु स्वास्थ्य शिविर आयोजना हुने भएको छ । जिल्लाको शुक्लाफाँटा नगरपालिका वडा नं ८ पारिफाँटास्थित बैजनाथ सामुदायिक वन उपभोक्ता समूहको कार्यालय भवनमा वडाको सहयोगमा भोलि एकदिने निःशुल्क पशु शिविर सञ्चालन हुने भएको हो ।
विद्यालयमा सीटीईभीटी कार्यक्रमअन्तर्गत प्रमाणपत्र तह भेटेनरी र १८ महिने भेटेनरी अन्तिम वर्षमा अध्ययनरत विद्यार्थी तथा प्रशिक्षार्थीहरूको सहभागितामा भोलि शिविर सञ्चालन गरिन लागेको वडाध्यक्ष बहादुरसिंह महराले जानकारी दिएका छन् । आफ्ना पशुहरूलाई बिहान १० बजेदेखि साँझ ४ बजेसम्म मणिकाधाम सडकनेरको वन कार्यालयमा ल्याइ लाभ लिन पशुपालक कृषकहरूलाई महराले आह्वान गरेका छन् ।
