काठमाडौँ । गीतसंगीतका कारणले पटकपटक विवादमा पर्दै आएका गायक दुर्गेश थापाले नयाँ गीत ‘महँगो मेरो ड्रेस’ ल्याएका छन् । र्याप शैलीमा तयार यो गीत पनि विवादमा पर्ने देखियो ।
गीतमा केटीहरु सबैलाई छाडा भनिएको छ । जुन शब्दले विवाद निम्त्याउन सक्छ । गीतमा शाहरुख खानको छोरीसँग आफूले डटे गरेको समेत बताइएको छ ।
रोशन आएर र एमटिआरको र्याप रहेको गीतको शब्द दुर्गेश र एमटिआरको रहेको छ । गीतमा दुर्गेशले ७ दिनमा आफू आठ चोटी चौकी परेको, केटाहरुले हेला गर्ने, केटीहरुले माया गर्ने भनिएको छ । गीतमा दुर्गेशले आफ्नो ड्रेस महँगो भएको समेत भनेका छन् । गीतको शुरुवातमा दुर्गेशले र्यापर मार्फत आफ्नो प्रशंसा समेत गराएका छन् ।
संगीत समेत दुर्गेश आफैले गरेको गीतको भिडियो पनि उनले नै निर्देशन गरेका हुन् । भिडियोमा दुर्गेशको अलवा अलिना रायमाझी, एमटिआर र रोशन आएर लगायतको अभिनय छ ।
रक कौसलको छायांकन र मिलन विश्वकर्माको सम्पादन भिडियोमा छ । गीत विवादित बनाएर चर्चामा रहन मनपराउने दुर्गेश अभिनेता पल प्रकरणपछि हराएका थिए । अहिले फेरि नयाँ गीत लिएर आएका छन् । जुन गीत पनि विवादमा पर्ने देखिन्छ ।
