काठमाडौँ । फ्रेन्च लिग वान फुटबल अन्तर्गत पिएसजीले नान्टेजलाई पराजित गरेको छ । शनिबार राति भएको खेलमा पिएसजीले नान्टेजलाई ४-२ गोल अन्तरले पराजित गरेको हो ।
पिएसजीको जितमा लियोनेल मेसी, डानिलो पेरेइरा र किलीयन एम्बाप्पेएल एक एक गोल गरेका थिए भने एक गोल नान्टेजका जओउएन हाडजामले आत्मघाती गोल गरेका थिए ।
त्यस्तै नान्टेजका लागि लुडोभिक् ब्लास र इग्नाटिउस गानागोले एक एक गोल गरेका थिए । यस खेलमा गोल गरेसँगै एम्बाप्पे पिएसजीका अल टाइम उच्च गोलकर्ता बनेका छन् । एम्बाप्पेले पिएसजीका लागि २०१ गोल गरेका छन् ।
उक्त जितसँगै पिएसजीको २६ खेलमा ६३ अंक भएको छ र लिगमा शिर्ष स्थानमा रहेको छ । त्यस्तै नान्टेजको २६ खेलमा २८ अंक रहेको छ र लिगमा १३औं स्थानमा छ ।
