काठमाडौं। विश्वकप क्रिकेट लिग–२ मा सन्दीप लामिछाने दोस्रो धेरै विकेट लिने खेलाडी बनेका छन् । पपुवा न्यूगिनीविरुद्ध आज विकेट लिँदै सन्दीप बलरको सूचीमा दोस्रो स्थानमा उक्लिएका हुन् । उनले लिग २ मा अहिलेसम्म ५९ विकेट लिएका छन्।
यूएईस्थित दुबईं अन्तर्राष्ट्रिय क्रिकेट मैदानमा जारी पीएनजीविरुद्धको खेलमा सन्दीपले नेपाललाई पहिलो सफलता दिलाएका थिए । लिग–२ को २६ खेलमा सहभागी हुँदा सन्दीप ओमानका बिलाल खानसँग मात्रै पछि छन् । खानले ३५ खेलबाट ७६ विकेट लिएका छन् ।
ओमानको खेल सकिएको र नेपालको अझै बाँकी रहेकाले सन्दीपलाई लिग २ मा सर्वाधिक विकेट लिने बलर बन्ने मौका छ । लिग २ मा ४८ विकेट लिएका करण केसी सातौँ स्थानमा छन् ।
