अष्ट्रेलिया आईसीसी विश्व टेस्ट च्याम्पियनसिप २०२३ को फाइनलमा पुगेको छ । तेस्रो टेस्ट खेलमा भारतलाई ९ विकेटले हराउँदै अष्ट्रेलियाले फाइनलमा स्थान बनाएको हो ।
घरेलु टोलीले जितको लागि दिएको ७६ रनको लक्ष्य पछ्याएको अष्ट्रेलियाले १८ ओभर ५ बलमा एक विकेट गुमाएर पूरा गर्यो,अष्ट्रेलियाका लागि ट्रर्विस हेड ४६ रनको अविजित पारी खेले त्यस्तै मार्नस लाबुसेन २८ रनमा अविजित रहँदा उस्मान खवाजाले रन जोड्न सकेनन् ।
भारत दोस्रो इनिङ्समा १६३ रन बनाएर अल आउट भएको थियो । भारत पहिलो इनिङमा ८८ रनले पछि परेको थियो । अष्ट्रेलिया पहिलो इनिङमा १९७ रनमा अल आउट भएको थियो । यसअघि इन्डोरमा टस जितेर पहिला ब्याटिङ रोजेको भारत १०९ रनमा अल आउट भएको थियो ।
अष्ट्रेलिया १८ खेलमा जित १२ र ३ मा हारसहित ६८.५२ जित प्रतिशतका साथ शीर्ष स्थानमा रहँदै फाइनलमा पुगेको हो । भारत १७ खेलमा १० मा जित र ५ मा हारसहित ६०.२९ विजयी प्रतिशत अंक छ । भारतले अन्तिम खेलमा जित निकाल्दा विश्व टेस्ट च्याम्पियनसिप फाइनल स्थान बनाउने छ भने पराजित भएमा श्रीलंकाले स्थान बनाउने छ ।
