युरियाको कालोबजारी गरेको अभियोगमा सप्तरीको राजविराज नगरपालिका १० दिघवा बस्ने १९ वर्षीय राजकुमार दासलाई आइतबार दिउँसो प्रहरीले पक्राउ गरेको छ । उनले सञ्चालन गरेको किराना पसलमा युरिया मल खाद लुकाई छिपाई भण्डारण गरी सरकारले निर्धारण गरेको मूल्य भन्दा बढी मूल्यमा बिक्री गरेको आरोपमा उनलाई प्रहरीले पक्राउ गरेको हो ।
कालोबजारी भइरहेको सूचनाको जिल्ला प्रहरी कार्यालय सप्तरीबाट खटिएको प्रहरीले तलासी गर्दा प्रति बोरा ५० केजीको दरले ३५ थान युरियाको बोरा भण्डारण गरी राखेको अवस्थामा फेला पारेको थियो । उनीमाथि जिल्ला प्रशासन कार्यालयबाट ७ दिन म्याद थप अनुमति लिई आवश्यक अनुसन्धान भइरहेको छ ।
