मंसिर १ काठमाडौं । कतार विश्वकप २०२२ अन्तर्गत ब्राजिल र क्यामरुनबीचको खेल हेर्ने भाग्यशाली दर्शक टिकट नम्बर ११२०० का खरिदकर्ता भएका छन् ।
अखिल नेपाल फुटबल संघ एन्फाले नेपाल र पाकिस्ताबीच बुधबार त्रिपुरेश्वरस्थित दशरथ रंगशालामा मैत्रीपूर्ण खेलमा टिकट खरिदकर्तालाई आज बिहिवार गोल प्रथाको मध्यबाट विजेता घोषणा गरेको हो ।
नेपालले अञ्जन विष्टको निर्णायक गोलमा पाकिस्तानलाई १-० ले हराएको थियो ।
सो खेल हेर्नका लागि टिकट खरिद गरेका ४ हजार ४ सय ४२ दर्शकमध्ये टिकट नम्बर ११२०० भग्यशाली बनेको हो ।
एन्फाले यसअघि नै नेपाल र पाकिस्तानबीच बुधबार सम्पन्न मैत्रीपूर्ण खेलमा एक जना भाग्यशाली दर्शकलाई कतार विश्वकप २०२२ अन्तर्गत क्यामरुन र ब्राजिलबीचको खेलको टिकट दिने घोषणा गरेको थियो ।
