एजेन्सी, १० फागुन । स्पेनिस लिग ला लिगामा क्याटलान बार्सिलोना बराबरीमा रोकिएको छ । आइतबार घरेलु मैदान क्या नोउमा भएको खेलमा बार्सिलोना काडिजसँग १–१ को बराबरीमा रोकिँदै अंक बाँड्न बाध्य भएको हो ।
जित नजिक पुगे बार्सिलोनालाई अन्तिम समयमा काडिजले स्तब्ध बनायो । खेल सकिन एक मिनेट बाँकी रहँदा काडिजले पेनाल्टी प्राप्त गर्यो । त्यसलाई काडिजका एलेक्स फर्नान्डेजले गोलमा परिणत गरेपछि खेल बराबरीमा सकिएको थियो ।
बार्सिलोनाले पहिलो हाफको ३२औँ मिनेटमा पेनाल्टीमार्फत गोल गर्दै टोलीलाई अग्रता दिलाएका थिए ।
बराबरीमा रोकिएको बार्सिलोनाको ४७ अंक रहेको छ । शीर्ष स्थानको एट्लेटिकोको ५५ तथा रियलको ५२ अंक रहेको छ । काडिज २५ अंकसहित १४औँ स्थानमा रहेको छ ।
