काठमाडौं । नेपाल प्रिमियर लिग(एनपीएल) मा नवौं दिनको पहिलो खेलमा लुम्बिनी लायन्सले ३३ रनले जित निकालेको छ। लगातार ४ हार बेहोरेको लुम्बिनीका लागि कप्तान रोहित पौडेलले चितवन राइनोजविरुद्ध बलिङ र ब्याटिङ दुवैमा उत्कृष्ट प्रदर्शनसहित जित निकालेका हुन्।
लुम्बिनीले दिएको १६८ रनको लक्ष्य पछ्याएको चितवनले २० ओभरमा ८ विकेट गुमाउँदै १३४ रन मात्रै जोडेको हो। यो लुम्बिनीको पहिलो जित हो। लुम्बिनीले पहिलो खेलमा विराटनगरसँग २ विकेट, पोखरासँग १० विकेट, सुदुरपश्चिमसँथ ४५ रन र जनकपुरसँग १ रनले पराजित भएको हो।
