काठमाडौं । नेपाल प्रिमियर लिग एनपीएलको टोली काठमाडौं गुर्खाजको पहिलो विदेशी खेलाडी माइकल लेभिट एनपीएल खेल्ने नेपाल आइपुगेका छन् । उनि आइतबार नेपाल आइपुगेको काठमाडौं गुर्खाजले जनाएको छ ।
२१ वर्षीय युवा ब्याटर लेभिटले नेदरल्याण्ड्सका लागि ८ ओडीआई र १७ टी–२० आई खेल खेलिसकेका छन् । लेभिटलगायत टोलीमा विदेशी खेलाडी नाथन सोटर, माइकल लेभिट, सन एस्किनान्जी, जेहार्ड एरास्मस र ड्यान डौथेवेट पनि छन् ।
मंसिर १७ गते गुर्खाजले पहिलो खेल चितवन राइनोजसँग खेल्ने छ । काठमाडौं गुर्खाजमा मार्की खेलाडीको रुपमा करण केसी छन् भने मुख्य प्रशिक्षक सन्त शाही हुन् । मंसिर १५ देखि सुरु हुने एनपीएलमा आठ टोलि रहेका छन् ।
