बैशाख १२ काठमाडौं । निर्वाचन आयोगका अनुसार प्रतिनिधि सभा इलाम क्षेत्र नं २ र बझाङ–१९१० मा हुने उपनिर्वाचनका लागि बुधबार मध्यरातदेखि प्रचार गर्न नपाइने जनाएको छ । बुधबार राति १२ बजेदेखि मौन अवधि सुरु हुने भएकाले निर्वाचन आयोगले प्रचार गर्न नपाइने बताएको हो ।
निर्वाचन आचारसंहिताअनुसार निर्वाचन हुने ४८ घण्टाअघिदेखि कसैले पनि उम्मेदवार वा राजनीतिक दलका बारेमा प्रचारप्रसार गर्न पाइँदैन । वैशाख १५ गते बिहान ७ बजेदेखि अपराह्न ५ बजेसम्म मतदान गर्ने समय तोकिएको छ । निर्वाचन आयोगले निर्वाचनको सबै तयारी पूरा गरेको जनाएको छ ।
रिक्त प्रतिनिधिसभा इलाम क्षेत्र नं. २ मा १९ र प्रदेश सभा बझाङमा १(१) मा ११ जना उम्मेदवार प्रतिस्पर्धामा छन् ।
