संयुक्त राष्ट्र संघीय शैक्षिक, वैज्ञानिक तथा सांस्कृतिक संगठन (यूनेस्को) ले विश्वका सांस्कृतिक सम्पदा स्थलहरूको संरक्षणमा मद्दत गर्दछ । यूनेस्कोद्वारा सुचिकृत विश्व सम्पदा स्थलहरूमा पर्ने काठमाडौं दरबार स्क्वायर, पाटन दरबार स्क्वायर र चाँगुनारायणको पुनर्स्थापनामा अमेरिकाको सहयोग रहेको छ ।
नेपाल स्थित अमेरिकी दूतावासले अमेरिकी राजदूत सांस्कृतिक संरक्षण कोष (एएफसीपी) मार्फत नेपालभरका २६ सांस्कृतिक स्थलहरूको पुनर्स्थापना सम्पन्न गर्न स्थानीय कालिगढ र समुदायसँग साझेदारी गरेको छ। संयुक्त राज्य अमेरिका आगामी पुस्ताका लागि सुन्दर नेपाली सांस्कृतिक सम्पदा संरक्षण गर्न नेपालसँग साझेदारी गर्न प्रतिबद्ध छ।
