काठमाडौं । नेपाल प्रिमियर लिग एनपीएल टोली पोखरा एभेन्जर्सका मुख्य प्रशिक्षक राजिव कुमार नेपाल आइपुगेका छन् । सोमबार राति भारतीय प्रशिक्षक कुमार पोखरा आइपुगेको टोलीले जनाएको छ । उनलाई टोलीका पदाधिकारीले स्वागत गरेको थियो । कुमार गत सिजन भारतको इन्डियन प्रिमियर लिग आईपीएल चेन्नई सुपर किंग्सको फिल्डिङ प्रशिक्षकमा थिए ।
आगामी मंसिर १५ देखि पुस ६ सम्म काठमाडौंमा आयोजना हुन गइरहेको एनपीएलमा पोखराका लागि नेपाली राष्ट्रिय टोलीका ओपनर कुशल भुर्तेल मार्की खेलाडी छन् । टिमका सल्लाहकार एवम् परामर्शदाताका रुपमा दक्षिण अफ्रिकाका जोन्टी रोड्स अनुबन्ध भइसकेका छन् । मंसिर १८ मा पोखरा एभेन्जर्सले आफ्नो पहिलो खेल चितवन राइनोजविरुद्ध खेल्ने छ ।
