काठमाडौंँ । थ्रिलर फिल्म ‘अपीच्य’ प्रदर्शनका लागि तयार भएको छ । निर्माण युनिटले एक टिजर सार्वजनक गर्दै फिल्म प्रदर्शनका लागि तयार रहेको जनाएको हो ।
फिल्मका निर्देशक प्रदीप खड्गी हुन् । टिजर फिल्मको जानकारी गराउन सार्वजनिक गरिएको हो । प्रदर्शन मिति छिट्टै सार्वजनिक गर्दै ट्रेलर समेत ल्याउने निर्देशक खड्गीले बताए ।
अपीच्य शब्दको अर्थ रहस्य हुन्छ । रहस्यभित्र रुमलिएको कथामा फिल्म निर्माण भएकोले नाम अपीच्य राखिएको निर्देशक खड्गीको भनाई छ ।
फिल्ममा सनिश शाक्य, सलोना बज्राचार्य, सुरज व्यञ्जनकार, रवि गिरी, रचना सिंह, सुरेन्द्र मानन्धर, कृष्णभक्त, राजेन्द्रकुमार, लक्ष्मीकुमार महर्जन, विनेश श्रेष्ठ, लुनिभा खड्गी, लक्ष्मीनाथ मदगैया लगायतका कलाकारको अभिनय छ ।
डेल्टा मल्टी मिडियाको ब्यानरमा निर्माण भएको फिल्मका निर्माता सुदन श्रेष्ठ, धर्म महर्जन र सुरेश महर्जन हुन् भने रविन डंगोल र आयुष् महर्जनको छायाङ्कन, विनेश श्रेष्ठको कला निर्देशन, सुशील राजोपाध्यायको कथा छ ।
