अमेरिका । न्यूयोर्क शहरमा आयोजना भएको मिस नेपाल नर्थ अमेरिका–२०२३ को टाइटल जुवली शेर्पाले जितेकी छन् । मिस नेपाल नर्थ अमेरिका विजेता शेर्पाले अन्य १७ जना प्रतियोगीहरुलाई पछि पार्दै उपाधि हात पारेकी छन् ।
यसैगरी प्रतियोगिताको फस्ट रनरअप रजिला बास्तोला र सेकेण्ड रनरअप इसा सुवेदी भए । उक्त प्रतियोगिताका लागि क्यानाडा र अमेरिकाका विभिन्न राज्यहरुबाट कूल १८ जना प्रतियोगीहरुले सहभागिता जनाएका थिए ।
हरेक व अगस्त महिनामा हुँदै आएता पनि यस बर्ष जुलाई महिनामा मात्र प्रतियोगिताको ग्राण्ड फिनाले गरियो ।
यो प्रतियोगीताको आयोजना ड्रिम्स युनिभर्सल एलएलसी न्युयोर्कले गरेको हो भने मिस नेपाल नर्थ अमेरिकाका आयोजक तथा प्रमुख शैलेश श्रेष्ठ हुन् ।
सुन्दरी प्रतियोगिताको लागि नेपालबाट नायिका प्रियका कार्की, आयुष्मान देशराज जोशी, मिस नेपालका संस्थापक सभापति दिवाकर राजकर्णिकार, सुप्रिया श्रेष्ठ, रेश्मा घिमिरे ,शुभेक्षा खड्का ,सदीक्षा श्रेष्ठ लगायत अमेरिका आएका थिए ।
जसमध्ये निर्णायकको भूमिकामा प्रियंका कार्की, आयुशमान देशराज जोशी, दिवाकर राजकर्णिकार, रेश्मी घिमिरे, मम्पी घोष लगायत ११ जना रहेका थिए ।
विताले सिधै २०२४ मा नेपालमा आयोजना हुने मिस नेपाल प्रतियोगितामा प्रतिस्पर्धा गर्न पाउनेछन् ।
