काठमाडौँ । १८ वर्ष पहिले बनेको चलचित्र ‘कर्तव्य’मा रहेको गीत ‘बादल वर्षा बिजुली’ पछिल्लो समय निकै चर्चित बन्यो । छोटा भिडियोको लोकप्रिय ‘टिकटक’ले यो गीतलाई पुनरुज्जीवन दिलायो । यो गीतको चर्चासँगै सर्जकले नयाँ भर्सनमा ल्याएका छन् ।
काठमाडौँमा एक कार्यक्रमकाबीचमा उदयराज पौडेलले एरेन्ज गरेका छन् । गायक आनन्द कार्की र गायिका प्राश्ना शाक्यले पुनः स्वर भरेका छन् । सुब्रत आचार्यले भिडियोको निर्देशन गरेका छन् । विजु पार्की र कबिता नेपालीले अभिनय गरेका छन् । उत्सव दाहालले छायाङ्कन गरेको भिडियोका सम्पादक बिजेश पौडेल हुन् ।
कार्यक्रममा बोल्दै गायक कार्कीले वर्षौँपछि गीतलाई ब्युँताएकोमा टिकटक प्रयोगकर्तालाई धन्यवाद दिए । उनले १८ वर्ष पहिले नै आफूले गाएको गीत अहिलेको पुस्तालाई समेत मन परेकोमा खुसी भएको बताए ।
