काठमाडौँ । अभिनेता प्रमोद अग्रहरी, सोहित मानन्धर र रिस्ता बस्नेतको मुख्य भूमिका रहेको फिल्म 'अदृश्य'ले फष्टलुक सार्वजनिक गर्दै प्रदर्शन मिति घोषणा गरेको छ । प्रल्हाद काफ्लेको निर्देशनमा निर्माण भएको फिल्म आगामी साउन १९ गतेबाट प्रदर्शनमा आउने छ ।
फिल्मको सार्वजनिक पोस्टरमा अभिनेता प्रमोद अग्रहरीलाई लामो दाह्री, कपालमा हेल्मेट र हातमा पेस्तोलसहित भिन्न अवतारमा प्रस्तुत गरिएको छ । उनको लुक्सले दर्शकमाझ कौतुहल्ता पैदा गर्ने देखिन्छ, भने पोस्टरमा सोहित र रिस्ताले कुनै अकल्पनिय घटना देखेर अचम्मीत भएको भावमा देखिन्छन् ।
पिताम्बर फिल्मस्को प्रस्तुतिमा निर्माण भएको फिल्मकाे निर्मातामा मिना बस्नेत रहेकी छन् । प्रविन खतिवडा, छुल्ठिम गुरुङ, रवी गिरी, सिएम भारद्वाज सुवेदी, विकेश प्रजापती, गीत बिष्ट, सुरज बिष्ट, जसिता घिमिरे, सन्दीप बाबु लोहनी, रुपेश दाहाल, सलिन बज्राचार्य, अजित रेग्मी, रुपेश थापा, अभिमान सिंह बस्नेत र प्रतिक भुजेल लगायतका कलाकारको अभिनय फिल्ममा छ ।
आकाश उखेडाको कथा, पटकथा तथा संवाद, उत्तम हुमागाईँ र मोहन कुमार झिल्लुको छायांकन, विशाल पौडेलको संगीत,शिशिर खातीको कोरियोग्राफी, मुकेश शाहको पाश्र्व संगीत, निशान घिमिरेको कलर, बनिश शाहको सम्पादन रहेको फिल्मलाई आरआर फिल्मस्ले वितरण गर्दैछ ।
