सहपाठीमाथि कक्षाकोठा भित्रै गोली चलाउने सर्बियाका एक किशोरले आक्रमणका लागि केही हप्ता अघिदेखि योजना बनाएको र मार्ने व्यक्तिको सूचीसमेत बनाएको खुलासा भएको छ । यसबारे प्रहरीले जानकारी दिएको हो ।
मध्य बेल्ग्राडमा अवस्थित भ्लादिस्लाभ राब्निकार प्राथमिक विद्यालयमा बुधवार बिहान अन्धाधुन्ध गोली चलाए लगत्तै १३ वर्षीय छात्रलाई पक्राउ गरिएको छ । यसअघि आक्रमणकारी छात्रको उमेर १४ वर्ष बताइएको थियो ।
उक्त आक्रमणमा एक शिक्षकलगायत ६ जना घाइते भएका छन् । घटनाको कारण हालसम्म पत्ता लाग्न नसकेको प्रहरीले जानकारी दिएको छ ।
प्रहरी अधिकारी हेलमेट र बुलेट प्रुफ ज्याकेट लगाएर घटनास्थल पुगेका थिए । घटना स्थानीय समयानुसार बुधवार बिहान ८ बजेर ४० मिनेटमा भएको हो ।
आक्रमणकारीले आफ्ना पिताको बन्दुक चलाएका थिए । यसको लाइसेन्स पनि थियो । हत्या गर्नुअघि उनी बुवासँग एक पटक भन्दा बढी सुटिङ रेन्जमा पनि गएको बताइन्छ ।
एजेन्सी
