अहिलेको अन्तरिम सरकारमा सुदूरपश्चिमको प्रतिनिधित्व हुनुपर्ने लगायतका माग राख्दै आमरण अनसन बसेका अछामका मदन बुढाले गृहमन्त्री ओमप्रकाश अर्यालले माग सम्बोधन गर्ने आश्वासन दिएपछि उनले अनशन तोडेका छन् । मन्त्री अर्यालले मदनलाई पानी खुवाउँदै अनसन तोडाए ।गत शुक्रबारदेखि माइतीघर मण्डलामा आमरण अनसन बसेका मदनको स्वास्थ्य बिग्रिएपछि मंगलबार बीर अस्पताल भर्ना गरिएको थियो । तर उनी अस्पताल नबस्ने भन्दै पुनस् माइतीघर मण्डलामै आएका थिए ।
अहिलेको अन्तरिम सरकारमा सुदूरपश्चिमको अनिवार्य प्रतिनिधि हुनुपर्ने, जेनजी आन्दोलनका क्रममा शहीद भएका परिवारका सदस्यलाई र घाइतेहरुलाई तत्काल रोजगारीको व्यवस्था गर्नुपर्ने, आन्दोलनका क्रममा ताकी–ताकी गोली प्रहार गर्ने र तत्कालीन सरकारको जिम्मेवारीमा रहेकाहरुलाई कारबाही गर्नुपर्ने लगायतका माग उनले राखेका थिए । मदनको अनसन तोडाउँदै गृहमन्त्री अर्यालले सरकारमा नभए पनि म नै राज्य हुँ भन्ने जस्तो गर्नेहरुमाथि मौलिक तरिकाको ‘उपचार’ गर्ने बताएका छन् ।
