आज बिहान राजधानीको भोटेबहालमा आगलागी भएको छ । बिहान ८ बजेको हाराहारीमा स्थानीय रवि सुवालको घरमा रहेको देवेन्द्रकुमार गुप्ताको हार्डवेयर गोदाममा आगलागी भएको हो ।
आगो बिजुलीको तार सर्ट भएर लागेको बताइएको छ । आगो नियन्त्रणका लागि काठमाण्डौ महानगरपालिकाको जुद्ध वारुण यन्त्रका दुई वटा दमकल,ललितपुर महानगरपालिकाको एउटा दमकल,केही पानी ट्यान्की प्रयोग भएका थिए ।
भर्खरै नियन्त्रणमा आएको आगलागीमा कुनै मानवीय क्षति नभएको बताइएको छ । तर गोदाममा रहेको सामान सबै जलेर नष्ट भएको गोदाम साहु गुप्ताले बताए । उनले भने, ‘अन्दाजी दुई करोडको नोक्सानी भएको छ ।’
