नेपाली काँग्रेसले माओवादी केन्द्रसँग कर्णालीबाट सत्ता साझेदारी गर्न लागेको छ ।
काँग्रेसले कर्णाली सरकारमा आफ्नो तर्फबाट सहभागी हुने दुई मन्त्रीको नाम मुख्यमन्त्री महेन्द्रबहादुर शाहीलाई सिफारिस गरेको हो ।
जसमा सामाजिक विकास मन्त्रीमा सुर्खेतका यज्ञबहादुर बिसी र जलस्रोत तथा ऊर्जा विकास मन्त्रीमा जुम्लाका दीनबन्धु श्रेष्ठ रहेका छन् ।
वैशाख ३ गते मुख्यमन्त्री शाहीलाई काँग्रेसले विश्वासको मत दिएपछि उनको सत्ता जोगाएको थियो । त्यससँगै सरकारमा जाने सहमति भए पनि काँग्रेसलाई एउटा मात्र दिन खोजेपछि काँग्रेस सरकारमा गएको थिएन ।
