नेता रघुजी पन्तले अझैपनि नेकपा एकता जोगाउन प्रयास गर्नुपर्ने बताएका छन्। प्रचण्ड-माधव नेपाल पक्षका स्थायी समिति सदस्य पन्तले पेरिसडाँडामा जारी स्थायी समिति बैठकमा सकभर देशको विकास र सम्मृद्धिका लागि तत्कालीन एमाले र माओवादी केन्द्रबीच एकता भएको भन्दै शीर्ष नेताहरुले त्यस्तो पहल गर्नुपर्ने धारणा राखेका हुन्।
उनले भने, ‘नेकपा एकता जोगाउन सकिन्छ भने त्यसका लागि प्रचण्ड र केपी ओलीले फेरि प्रयास गर्नुपर्छ।’ उनले सर्वोच्चको फैसला राजनीतिक भएको बताए । ‘अदालतको फैसला अलिक बढी राजनीतिक भएको छ भन्ने कुरा भएको छ। एकता महत्त्वपूर्ण थियो। एकताको जोगाउने सम्भावना खोज्नुपर्छ। केपी ओली र पुष्पकमल दाहाल प्रचण्डले कुराकानी गर्नुपर्छ भन्ने कुरा राखेँ,’ उनले भने ।
सर्वोच्च अदालतले नेकपा एमाले र नेकपा माओवादी केन्द्रबीचको एकतालाई मान्यता नदिई पूर्ववत अवस्थामा नै राखिदिएपछिको अवस्थामा प्रचण्ड माधव समूहले आगामी रणनीति तय गर्न सोमबार स्थायी कमिटी बैठकमा छलफल गरेको छ।
