काठमाडौं । साताको पहिलो कारोबार दिन आइतबार सेयर बजार दोहोरो अंकले घटेको छ । आज बजार ३१.१७ अंकले घटेर २७४९.८३ को विन्दुमा झरेको नेपाल स्टक एक्सचेन्ज(नेप्से) ले जनाएको छ ।
बजार घटेसंगे कारोबार रकम पनि घटेको छ । बिहिबार ८ अर्ब ९ करोड ५६ लाखको कारोबार भएको बजारमा आइतबार ६ अर्ब ६१ करोडको कारोबार भएको छ ।
त्यसैगरी आज २१ कम्पनीको सेयर मुल्य बढेको छ भने २२ड कम्पनीको सेयर मुल्य घटेको छ । बाकी १ कम्पनीको सेयर मुल्यमा कुनै परिर्वतन आएको छैन् ।
