३ असार, काठमाण्डौं । सुदूरपश्चिम प्रदेशमा कोरोना संक्रमितको संख्या ३४४ पुगेको छ । मंगलबार साँझसम्म ३४४ जनामा कोरोना संक्रमण पुष्टि भएको सामाजिक विकास मन्त्रालयले जनाएको छ । जसमा २९७ पुरुष र ४७ महिला छन् । मंगलबारमात्रै सेती प्रादेशिक कोविड १९ प्रयोगशालामा गरिएको परीक्षणमा १७ जनामा कोरोना पुष्टि भएको हो ।
हालसम्म ७४ जनाले कोरोना जितेर घर फर्किएका छन् ।
मन्त्रालयका अनुसार संक्रमितमध्ये कैलालीका १०८, कञ्चनपुरका ७२, अछामका, १९, डडेल्धुराका ३९, दार्चुलाका १२ जना छन् । बझाङका १४, बैतडीका २७, डोटीका ३३ र बाजुराका २० जनामा कोरोना संक्रमण पुष्टि भएको छ ।
आरडीटी र पीसीआर विधिबाट हालसम्म ८३ हजार ६६० जनाको परीक्षण गरिएको छ भने ११ हजार ६६२ जनाको थ्रोट स्वाबको नमुना संकलन गरिएको मन्त्रालयले जनाएको छ ।
