काठमाडौं। संसदीय छानबिन समितिको कार्यादेश टुंग्याउन सत्ता पक्ष र प्रमुख प्रतिपक्ष दलका प्रमुख नेताहरूको बैठक दिउँसो ३ बजे बस्ने भएका छन् ।
प्रधानमन्त्री पुष्पकमल दाहाल ‘प्रचण्ड’को सरकारी निवास बालुवाटारमा सोमबार बिहान बसेको बैठकले कार्यादेश टुंगो लगाउन सकेन । दलहरूबीच आन्तरिक छलफल गरी पुनः बैठक बस्ने सहमति बनेको थियो ।
बिहानको बैठकमा सामूहिक छलफल भनिए पनि प्रधानमन्त्रीले फरक-फरक दलसँग छुट्टाछुट्टै बैठक गरेका थिए । चार दलको सामूहिक छलफल भने बैठकमा हुन नसकेन ।
