काठमाडौं । दुईवटा वाइडबडी विमान खरिदमा भ्रष्टाचार गरेको भन्दै अख्तियार दुरुपयोग अनुसन्धान आयोगले ३२ जनाविरुद्ध भ्रष्टाचार मुद्दा दायर गरेको छ ।
तत्कालीन पर्यटनमन्त्री जीवनबहादुर शाही, नेपाल वायुसेवा निगमका महाप्रबन्धक सुगत कंसाकार, पूर्व पर्यटन सचिव शंकर अधिकारीसहित ३२ जनालाई प्रतिवादी बनाएको छ । वाइडबडी खरिदमा १ अर्ब ४७ करोड रुपैयाँ भ्रष्टाचार भएको अख्तियारको दाबी छ ।
शाही कर्णालीमा कांग्रेस संसदीय दलका नेता हुन् । कंसाकार भने अहिले सार्वजनिक जिम्मेवारीमा छैनन् । रोल्स रोयस ट्रेन्ट ७७२ बी इन्जिनसहितको एयरवसको ३३०—२०० जहाज खरिद भएको थियो । वाइडबडी जहाज खरिदका प्रक्रिया सार्वजनिक खरिद ऐन विपरित रहेको अख्तियारको ठहर छ ।
