नेपालका ७७ वटा जिल्लामा सञ्जाल विस्तार गरि ग्रामीण अर्थतन्त्रको सुधारमा कार्य गरिरहेको साना किसान विकास लघु वित्त वित्तीय संस्था लि. ले १५ प्रतिशत लाभांस वितरण गर्ने भएको छ । संस्थाको २२ औँ वार्षिक साधारण सभाका अवसरमा संस्थाका अध्यक्ष खेम बहादुर पाठकले प्रस्तुत गर्नुभएको वार्षिक प्रतिवेदन पारित भएसंगै १५ प्रतिशत लाभांस वितरण गर्ने प्रस्ताव पारित भएको हो ।
लघुवित्तले आर्थिक वर्ष २०७९\०८० सम्मको मुनाफाबाट चुक्ता पुँजी रु.३३३१६१८२०४ को १४ दशमलव २५ प्रतिशतले हुने रु.
४४५५५९४ बराबरको बोनस शेयर र कर प्रयोजनको लागि चुक्ता पुँजीको ०.७५ प्रतिशतले हुने नगद लाभांश रु २४९८१३६ गरी
जम्मा चुक्ता पुँजीको १५ प्रतिशतले हुने रकम रु. ४९९४२३० वितरणका लागि प्रस्ताव पारित गरिएको छ । बोनस शेयर पारित भएसंगै लघुवित्तको कुल चुक्ता शेयर रकम रु. ३८०६३३९८ पुगेको छ । देशका ७७ जिल्लाका ५४६ स्थानीय तहमा सञ्जाल विस्तार गरी १ हजार ६ सय ३६ साझेदार संस्था मार्फत १० लाख २९ हजार ८ सय ७५ परिवारमा यस
वित्तीय संस्थाको सेवा पुगेको छ । दलित ११५, जनजाती ३९५ र अन्यको ५०५ रहेकोमा महिला सहभागिता ७९ प्रतिशत छ । आवद्ध सहकारी संस्थाहरूले रु. ६ करोड ५८ लाख ७६ हजार ५ सय ८५ हजार बराबरीको आन्तरिक पुँजी निर्माण गरी परिचालन गरेका छन् । साना किसान विकास लघुवित्त वित्तीय संस्था लि. र आरएमडीसी लघुवित्त वित्तीय संस्था लि. एक आपसमा गाभिएर मिति २०८० असार २४ गतेबाट कारोवार सञ्चालन भएपश्चात यस वित्तीय संस्थाको चुक्ता पुँजी ३ अर्ब ३३ करोड
१६ लाख १८ हजार २ सय ४ रुपैयाँ पुगेको छ । कार्यक्रममा बोल्नुहुँदै संस्थाका अध्यक्ष खेम बहादुर पाठकले साना किसान लुघवित्त मार्फत सञ्चालन भएका कार्यक्रम मार्फत ग्रामीण अर्थतन्त्रको सुधारमा ठुलो सहयोग पुगेको बताउनुुभयो ।
उहाँले आर्थिक सामाजिक र सचेतनाको रुपान्तरणमा साना किसान सदैव अग्र भागमा रहेर काम गरिरहेको भन्दै सरकार र सरोकार वाला निकायहरुसंगको सहकार्यलाई अझै बढाउँदै आर्थिक समृद्धिको बाटोमा आगडि बढ्ने प्रतिवद्धता व्यक्त गर्नुभयो । अध्यक्ष पाठकले संस्था मार्फत प्रवाह हुने सेवालाई समय सापेक्ष रुपमा परिमार्जन गर्दै जाने बताउनुभयो । यसैगरी कार्यक्रममा साना किसान विकास लघुवित्त वित्तीय संस्था लि. का प्रमुख कार्यकारी अधिकृत डा. शिवराम प्रसाद कोइरालाले अर्थतन्त्र सुधारका लागि साना किसानहरुको ठुलो योगदान रहने बताउनुभयो । उहाँले आयत कम गर्न साना किसानहरुलाई उद्यमसंग जोड्नुपर्ने तर्क गर्नुभयो ।
प्रविधिको प्रयोग मार्फत साना किसानहरुको आय आर्जन बढाउँदै युवाहरुलाई कृषि तथा पशुपालनमा आकर्षण गर्न सके मात्र देशको अर्थतन्त्र सुधार हुने उहाँको धारणा थियो । आर्थिक उपार्जन मात्र नभएर सचेतनाको विकासमा पनि साना किसानहरुको योगदान स्मरणीय रहेको भन्दै उहाँले आगमी दिनमा किसानहरुको हितका लागि संस्थाले विभिन्न सहुलियतपुर्ण प्याकेजका कार्यक्रमहरु सञ्चालन गर्ने विश्वास समेत दिलाउनुभयो । कार्यक्रममा देशभरबाट करिव ५ सय भन्दा बढि साना किसान, शेयर सदस्य तथा प्रतिनिधिहरुको सहभागिता रहेको थियो ।
