आइतबार ब्याण्डले आफ्नो अफिसियल युट्युब च्यानलमार्फत गीत सार्वजनिक गरेको हो। ब्याण्डले यो गीतसँगै 'एक्लो जीवन, पैसा र बिस्तारै' बोलको गीत पनि सार्वजनिक गरेको छ।
ब्याण्डले पोजेटिभ भाइब्स इन्टरटेनमेन्ट नेटवर्क प्रालि (पीभीई नेटवर्क) को प्रस्तुतीमा गीत बजारमा ल्याएको हो।
गीत 'पाइला' मा व्यक्तिलाई हार नमानी जीवनमा अगाडि बढ्न प्रेरित गरिएको छ। त्यस्तै 'एक्लो जीवन' र 'बिस्तारै' प्रेम भावका गीत हुन्। 'पैसा' मा भने जीवनमा पैसाको महत्व, पैसा र पैसाको शक्तिले मानिसले कसरी रंग फेर्छ भन्ने भाव प्रस्तुत गरेको छ।
ब्याण्डमा सन्दिप विश्वकर्मा (भोकलिष्ट), राजीव खड्का र निखिल सिकर्मी (गितार), सजिन महर्जन (बेशिष्ट) र अमूल्य श्रेष्ठ (ड्रम) छन्।
सन् २००३ मा स्थापना भएको एक्सिसनले सन् २००४ मा 'ब्ल्याक एण्ड ह्वाइट' नामक एल्बम बजारमा ल्याएको थियो। त्यसपछि ब्याण्डले सन् २००९ मा दोस्रो एल्बम 'माफ गर' र सन् २०१७ मा 'घर गाउँ' नामक एल्बम सार्वजनिक गरेको थियो।
