काठमाडौँ । अभिनेता अनमोल केसी र अभिनेत्री जसिता गुरुङको मुख्य भूमिका रहेको फिल्म ‘फर्की फर्की’को मुख्य कलाकारको रूपमा समृद्धि अर्याल र रवि काफ्ले भित्रिएका छन् । निर्माण युनिटले अडिसन मार्फत यी कलाकार छनौट गरेको हो । समृद्धि र रवि भित्रिएसँगै फिल्मको कलाकार लाइनअप पुरा भएको निर्माता रोहित अधिकारीले बताए ।
सुयोग गुरुङको निर्देशन रहेन फिल्म रोहित अधिकारी र ओम गुरुङको लगानीमा बन्न लागेको हो । सुयोगकै कथा तथा पटकथा रहेको यो फिल्ममा मनोज ओली र रामु न्यौपाने सह–निर्माता रहेका छन् ।
फिल्मको छायाङ्कन तिहारको लक्ष्मीपूजा (कार्त्तिक २६) बाट सुरु हुँदै छ । नरेन्द्र मैनालीकाे छायाङ्कन रहने फिल्ममा रोमन बज्राचार्य, नरेन लिम्बु र अनमोल गुरुङको संगीत रहनेछ । एमएसएम इन्टरटेनमेन्टले बिदेश बितर गर्ने फिल्मको काफिया फिल्मस्ले उपत्यका र कुबेर फिल्मस्ले उपत्यका बाहिर वितरण गर्नेछ ।
