काठमाडौँ । हिल्स होम थिएटरको आयोजनामा शुक्रबार (५ असोज) सांस्कृतिक संस्थान (राष्ट्रिय नाचघर) जमलमा सांस्कृतिक कार्यक्रम गर्ने भएको छ । ‘हाम्रो कला हाम्रो संस्कृति–२०८०’ नाम रहेको कार्यक्रममा करिब एक दर्जन चर्चित गायक कलाकारको प्रस्तुति रहने छ ।
कार्यक्रममा प्रकाश सपूत, सत्यराज आचार्य, स्वरुपराज आचार्य, माण्डपी त्रिपाठी, मदनकृष्ण श्रेष्ठ, लोक गायिका राधिका हमाल, हाँस्यकलाकार जीतु नेपाल ‘मुन्द्रे’, मनोज गजुरेल, प्रभाकर देव शर्मालगायत कलाकारको प्रस्तुति रहनेछ ।
गायन, सांस्कृतिक नृत्य, प्रहसन, कमेडीको बेजोड प्रस्तुति रहने कार्यक्रममा भाषा, कला, संस्कृति क्षेत्रमा योगदान दिने केही कलाकारलाई समेत सम्मान गरिनेछ ।
विभिन्न कलाकारलाई एउटै मञ्चमा प्रस्तुत गर्दै मनोरञ्जन प्रदान गर्न कार्यक्रमको आयोजना गर्न लागिएको साँस्कृतिक संस्थान (राष्ट्रिय नाचघर)का वरिष्ठ कार्यक्रम प्रमुख तथा वरिष्ठ नाटक प्रबन्धक प्रभाकर देव शर्माले बताए ।
