एजेन्सी। न्युजिल्याण्डसँगको पहिलो टी-२० क्रिकेट श्रीलंकाले जितेको छ। अकल्याण्डमा श्रीलंकाले न्युजिल्याण्डलाई सुपर ओभरमा हराएको हो ।
सुपर ओभरमा न्युजिल्याण्डले दिएको ९ रनको लक्ष्य श्रीलंकाले ३ बलमै पूरा गर्यो । यसअघि श्रीलंकाले दिएको १ सय ९७ रनको लक्ष्य पछ्याएको न्युजिल्याण्डले २० ओभरमा ८ विकेट गुमाएर १ सय ९६ रन बनायो । अन्तिम ओभरमा जितको लागि १३ रन चाहिएकोमा न्युजिल्याण्डले १२ रन बनायो । उसका लागि ड्यारेल मिचेलले सर्वाधिक ६६ रन बनाए । श्रीलंकाका वानिन्दु हसरंगा,प्रमोद मदुशान र दानुन सनाकाले २/२ विकेट लिए ।
यसअघि पहिले ब्याटिङ् गरेको श्रीलंकाका लागि कुशल परेराले नटआउट ५३ र चारिथ असलंकाले ६७ रन बनाए ।
