अब सबैको नजर उनको अर्को प्रोजेक्ट ‘हीरामण्डी’माथि छ । यो सिरिज घोषणा भएदेखि नै फ्यान भव्यताको अनुभव गर्नको लागि व्यग्र छन् । निर्माताले यो सिरिजको सुन्दर र भव्य संसारको झलक सार्वजनिक गरेका छन् । सिरिजमा नेपाली अभिनेत्री मनिषा कोइराला शीर्ष भूमिकामा छिन् ।
भन्स लीले दर्शकलाई यस्तो संसारमा लैजान्छन् जहाँ यौनकर्मीहरु रानी थिए । सिरिजका कलाकारलाई लिएर धेरै अड्कलबाजी गरिएको थियो । फस्टलुक सार्वजनिक भएपछि सबैको अनुमानलाई यसले स्पष्ट पारेको छ । टिजर मनिषा कोइरालाबाट सुरु हुन्छ, सबै सजिएका र परम्परागत पोशाकमा शाही चरित्रमा देखिएका छन् । सोनाक्षी सिन्हा, अदिती राव हैदरी, ऋचा चड्ढा, शर्मिन सेगल, सञ्जीदा शेख सबै आकर्षक देखिन्छन् । यो टिजर सेयर गर्दै निर्माताले लेखेका छन्, ‘अर्को समय र अर्को युग, भन्सालीले बनाएको अर्को जादुयी संसार जसको हिस्सा बन्न हामी पर्खन सक्दैनौं । यहाँ हीरामण्डीको सुन्दर र चाखलाग्दो संसारको एक झलक ।’
भन्सालीको महत्वाकांक्षी प्रोजेक्ट मानिएको हीरामण्डीमा उनले सबै काम गरिरहेका छन् । फिल्मसिटीमा ‘गंगुबाई काठियावाडी’को सेट जहाँ बनाइएको थियो, त्यहीं नै हीरामण्डीको ठूलो सेट बनाइएको थियो । निर्माण लगभग पूरा भएको छ । यसमा संगीत कथाको महत्वपूर्ण भाग बन्न गइरहेको छ र उनीहरूले यसका लागि काम पूरा गरिसकेका छन् ।
