काठमाडौं । नेपाल लाइफ इन्स्योरेन्सले डिजिटल माध्यमबाट भुक्तानी गर्न सक्ने व्यवस्था लागू गर्न नेशनल पेमेन्ट स्वीच (एनपीएस) का लागि सम्झौता गरेको छ । आफ्नो भुक्तानीसम्बन्धी कारोबारहरूलाई नेपाल क्लियरिङ्ग हाउस (एनसीएचएल)को भुक्तानी प्रणालीहरू प्रयोग गरी सेवा दिन सम्झौता गरेको हो ।
सम्झौता पत्रमा नेपाल लाइफका तर्फबाट संस्थाका प्रमुख कार्यकारी अधिकृत प्रवीण रमण पराजुली र एनसीएचएलका तर्फबाट संस्थाका प्रमुख कार्यकारी अधिकृत नीलेशमानसिंह प्रधानले हस्ताक्षर गरेका छन् ।
उक्त सम्झौतापश्चात् नेपाल लाइफले बीमा लेखको भुक्तानी, बीमा दाबी भुक्तानी, एजेन्ट कमिसन, तलब, भेण्डर भुक्तानीलगायत आफ्ना कारोबारहरू गर्न सकिने छ । नेपाल लाइफको विभिन्न खाताको पुँजी व्यवस्थापन गर्ने प्रकृया पनि थप व्यवस्थित हुने विश्वास गरिएको छ ।
१५ लाखभन्दा बढी बीमितहरू रहेको यस कम्पनीका १९७ शाखा सञ्जालहरू र २ लाख १२ हजार ३६२ अभिकर्ताहरू रहेका छन् ।
