फलेवास
 फलेवास नगरपालिकाको केन्द्रको परिर्वतन गर्ने निर्णय अवैद्यानिक, केन्द्रको विवाद चरम उत्कर्षमा 
पर्वतको फलेवास नगरपालिकाको केन्द्रको विवाद चरम उत्कर्षमा पुगेको छ । सामान्य कानुनी प्रक्रिया पुरा नगरि तथा ‘स्थानीयको भावना र जनमत नलिई केन्द्र परिर्वतन गर्ने निर्णयका करण विवाद चुलिँदो छ । मेयर पदम पाणी शर्माले जनचाहना विपरित गैर कानुनी ढंगले फलेवास नगरपालिकाको केन्द्र सारेको भन्दै स्थानियवासीले चर्को बिरोध गरेका छन् । नगरसभामा प्रस्तावै नलगी नगरपालिकाले गैर कानुनी ढंगबाट केन्द्र परिर्वतन गरि नयाँ प्रशासनिक भवनको सुचना निकालेको भन्दै चर्को बिरोध भएको हो । स्थानिय तह पुनर्सचना आयोगले फलेवास नगरपालिकाको केन्द्र साबिक खानिगाउँ गाविसको वडा कार्यालय तोकेको थियो । स्थानिय तहको निर्वाचन भएको छ महिना भित्र सामान्य बहुमतले र ६ महिना कटेपछि दुई तिहाईले केन्द्र परिर्वतन गर्न सक्ने कानुनी प्रावधान रहेको छ । तर नगरसभा छलि नगरपालिकाले केन्द्र हालको स्थान बाट सारि झकलक भन्ने स्थानमा परिर्वतन गर्ने निर्णय गरेको भन्दै नगरबासीले चर्को बिरोध जनाएका छन् । फलेवास नगरसभामा ६० जना  सदस्य छन् । तिनीहरु मध्ये उपप्रमुख सहति ३० भन्दा बढी नगर सभा सदस्यले केन्द्र परिर्वतन गर्ने प्रस्तावमा असहमती जनाएका छन् । फलेवास नगरपालिकाको केन्द्र परिर्वतन गर्न नगरसभाको दुई तिहाई मत आवश्यक पर्छ अर्थात ३७ जना नगरसभासदस्य त्यसको पक्षमा हुनुपर्छ । तर नगरसभाका आधा भन्दा बढि सदस्यले हालकै स्थानमा केन्द्र हुनुपर्ने बताएका छन् । नयाँ स्थानमा केन्द्र लैजाने प्रस्तावमा असहमति जनाएका छन् । उनीहरुले हालकै स्थानमा केन्द्र हुनुपर्ने बताएका छन् ।
 स्थानियवासीले हाल नगरपालिकाको केन्द्र रहेकै स्थानमा प्रशासनिक भवन बनाउन पर्याप्त जग्गा समेत प्रदान गरेका छन् । तर नगर प्रमुख शर्माले नगरपालिकाको लागि जग्गा पाश गर्न नमानेको तथा कार्यालयमा पुगेको पत्रको वेवास्ता गरेको भन्दै नगरसभा सदस्य तथा नगरवासीले आपत्ति जनाएका छन् ।
केन्द्र परिर्वतन गर्ने सम्बन्धमा नगरसभा सदस्यहरुले प्रधानमन्त्री तथा मन्त्री परिषद्को कार्यालय र संघिय मामिला तथा सामन्य प्रशासन मन्त्रालयमा कानुन विपरितको उक्त काम तत्काल रोकियोस् भनी निवेदन पेश गरेका छन् । फलेवास नगरपालिकाको केन्द्रको बिषयमा चर्को बिरोध तथा कानुन विपरित भएपछि प्रधानमन्त्री तथा मन्त्री परिषद्को कार्यालय र संघिय मामिला तथा सामन्य प्रशासन मन्त्रालयले केन्द्र परिर्वतन गर्ने बिषयलाई अध्ययन टोली पठाउने भनी पत्राचार गरेको छ । तर नगरपालिकाले उक्त पत्रलाई वेवास्ता गर्दै  गैर कानुनी ढंग बाट नयाँ स्थानमा प्रशासनिक भवन बनाउने भन्दै सुचना प्रकाशित गरेको छ ।
नगरप्रमुख सहितका केहीँ वडाध्यक्षले निजी एवं राजनीतिक स्वार्थमा केन्द्र परिर्वतन गर्न लागेको भन्दै चर्को विवाद  सिर्जना भएको छ ।