प्रधानमन्त्री तथा नेकपाका अध्यक्ष केपी शर्मा ओलीले राजधानीमा आयोजना गरेको अगुवा कार्यकर्ता भेलालाई संबोधन गर्ने क्रममा प्रचण्ड नेपाल समूहप्रति कटाक्ष गरेका छन् । आफू नयाँ निर्वाचनमा जाने भन्दा किन डराएको भन्दै व्यंग्य समेत गरेका छन् ।
प्रचण्डले सूर्य चिन्हको दाबी गरेको बारे समेत अध्यक्ष ओलीले आफ्नो तर्क प्रस्तुत गर्दै भने, "जो अहिले सम्म सूर्य चिन्हबाट लडेको छैन उसैलाई अहिले सूर्य चुनाव चिन्ह चाहियो भने रोईकराई गरिरहेका छन् । अचम्म लाग्छ यो कस्तो तर्क हो ?"
प्रचण्ड नेपाल समूहले झुटको खेती गरिरहेको भन्दै अध्यक्ष ओली आक्रोशित सम्म भएका छन् । झुट बोलेर संचार माध्यममा प्रयोग गर्ने र न्यायालय माथी झुटो आरोप लाएर के गर्न खोजेको भन्दै अध्यक्ष ओलीले प्रश्न समेत तेर्साएका छन् ।
सर्वोच्च अदालतले न्याय नदिए जनताले न्याय दिन्छ भन्ने अनि चुनावमा जान डराउनेहरुको तर्क सुन्दा पनि हाँस उठ्छ भन्दै अध्यक्ष ओलीले प्रचण्ड नेपाल समूह माथि व्यंग्य प्रहार गरेका छन् ।
