नेपाल कम्युनिस्ट पार्टी (नेकपा) को स्थायी कमिटीको बैठक शोक प्रस्ताव पारित गरेर सकिएको छ । नेकपा नेता कमान सिंह लामाको निधनमा शोक व्यक्त गरेर बैठक सकिएको हो ।
बैठक आज दिउँसो १ बजे प्रधानमन्त्रीको सरकारी निवास बालुवाटारमा बसेको थियो । बैठकमा शोक प्रस्तावको विषय मात्र कार्यसूचीमा राखिएको थियो ।
आइतबारको बैठकमा प्रधानमन्त्री केपी शर्मा ओली पनि सहभागी भएका थिए ।
यसअघि मंसिर २१ गते पार्टी कार्यालय धुम्बाराहीमा बसेको बैठकमा भने ओली सहभागी भएका थिएनन् ।
अर्को बैठक पुस १ गते दिउँसो १ बजेका लागि बोलाइएको छ ।
