मंसिर १९,

मस्टा गाउँपालिकाकी १२ वर्षीया सम्झना कामीको हत्याका आरोपित राजेन्द्र बोहरा अस्पतालबाट प्रहरीलाई छक्याएर भगेका छन् । बोहरा जिल्ला अस्पताल डोटीको आइसोलेसनबाट बिहीबार राति १० बजेतिर फरार भएका हुन् ।

पुर्पक्षका लागि कारागार चलान भएका बोहोरालाई बाल सुधार केन्द्र डोटीमा राखिएको थियो । बाल सुधार गृहमा रहेका बोहोरालाई कोरोना संक्रमण देखिएपछि जिल्ला अस्पताल डोटीको आइसोलेसनमा राखिएके थियो ।

गत असोजमा जिल्लाको मष्टा गाउँपालिकाकी १२ वर्षीया सम्झना बिकको बलात्कारपछि हत्या अभियोगमा पक्राउ परेका बोहोरा जिल्ला अस्पताल डोटीको आइसोलेसनबाट राति १० बजेतिर फरार भएको जिल्ला प्रहरीप्रमुख एसपी जनक पाण्डेले बताए । प्रहरीका अनुसार उनी अस्पतालको आइसोलेसन कक्षको झ्याल फोरेर भागेका हुन् ।

कोरोना संक्रमण भएपछि बोहरालाई मंसिर ६ देखि बालसुधार गृहबाट अस्पतालको आइसोलेसनमा राखिएको थियो । उनको खोजीको लागि व्यापक मात्रामा प्रहरी परिचालन गरिएको एसपी पाण्डेले बताए ।