कात्तिक २५,
आफ्नै साथीले पैसा चोरको आरोप लगाए पछि इटहरीमा रहेको रिलायन्स स्पिनिङ मिल्समा लेटाङकी सिर्जना राईले देह त्याग गरेको आफन्तहरुले बताएका छन । नभएको आरोप लगाएको कारण सिर्जना झुण्डिएको हुन सक्ने केहि आफन्तहरुले बताएका छन ।
तीन दिन अघि इटहरी १२ खनारमा रहेको रिलायन्स स्पिनिङ मिल्समा कार्यरत मोरङ लेटाङकी २३ बर्यीय सिर्जना राई बाथरुमा झुण्डिएको अवस्थामा फेला परेकी थिईन । आफन्तहरुले भने रिलायन्सका प्रशासनले टचर दिएर आत्महत्या गर्न बाध्य बनाएको बताउँदै आएका छन ।
उद्योगमा काम गर्दै आएकी राईलाई केहि दिन अघि आफ्नै साथीले पैसा चोरी गरेको भन्दै उद्योगकै प्रशासनमा उजुरी गरेको थिईन । तर मृतक राईले दुई पक्ष मिलापत्रमा मैले पैसा चोरेको हैन तिर्नु परे तिरौला भन्दै कागज समेत गरेको थिईन । तर राईले हिजो म पैसा तिर्दिन भने पछि पैसा हराउने साथीले प्रहरीमा उजुरी गरेको थिईन । त्यो रात नै उनी झुण्डिएको पाईएको हो ।
