असोज २८,
'चिनको ईशारामा नेपाल लिपुलेक आफ्नो दावी गर्दैछ' भनेर टिप्पणी गर्ने भारतीय स्थलसेनाध्यक्ष जनरल मनोज मुकुन्द नरावणे नेपाल भ्रमणमा आउने तय भएको छ । कोरोना भाइरसका कारण उनी नेपाल आउने यसअघिको पूर्वनिर्धारित कार्यक्रम रद्ध भएकोमा पुनः नयाँ मिति तय भएको हो ।
स्थलसेनाध्यक्ष नरावणे कार्तिक महिनामा नेपाल भ्रमणमा आउन लागेको सैनिक जनसम्पर्क निर्देशनालयले जनाएको छ । भ्रमणका अवसरमा उनलाई राष्ट्रपति विद्यादेवी भण्डारीले नेपाली सेनाको मानार्थ महारथी दर्जा प्रदान गर्ने कार्यक्रम रहेको सेनाले जनाएको छ ।
यि तिनै नेपाल बिरोधी भारतिय जनरल हुन् जसले, भारतले एकतर्फी रुपमा नेपालको सिमाक्षेत्रमा पर्ने लिपुलेक हुँदै कैलाश मानसरोवर जाने बाटो खनेको चौतर्फी बिरोध हुँदा भनेका थिए, "लिपुलेक सडकका सन्दर्भमा म कत्ति पनि विरोधाभास देख्दिनँ । कालीनदीभन्दा पश्चिममा हामीले सडक बनाएका छौँ । नेपालमा यसको किन विरोध भइरहेको छ, म जान्दिनँ । उनीहरूले यो विषय कसैका लागि उठाएका हुन्, यो सम्भावना म देख्छु । यो सडक करिडोरबारे विवाद छैन ।"
