सर्लाही, १६ असोज : सर्लाहीको बागमती नगरपालिका–३ का वडाध्यक्ष तिलक मोक्तानको आज निधन भएको छ ।
केही समयदेखि मुटुको उपचारमा रहनुभएका ५२ वर्षीय वडाध्यक्ष मोक्तानको त्रिवि शिक्षण अस्पतालमा निधन भएको छोरा सिद्धार्थ मोक्तानले जानकारी दिनुभयो । उपचारकै क्रममा मुटुको शल्यक्रिया गर्ने सन्दर्भमा सघन उपचार कक्षमा पुर्याए लगतै उहाँको निधन भएको अस्पताल प्रशासनले जानकारी दिएको छ ।
स्वास्थ्यमा समस्या देखिएपछि उहाँ भदौको पहिलो साता काठमाडौँ जानुभएको थियो । उहाँ तत्कालीन नेकपा (माओवादी केन्द्र) बाट उक्त नगरपालिका–३ को वडाध्यक्षमा विसं २०७४ र २०७९ को स्थानीय निर्वाचनमा निर्वाचित जनप्रतिनिधि हुनुहुन्थ्यो ।
उहाँले आफ्नो राजनीतिक कर्मक्षेत्रमा एउटा असल समाजसेवी र कुशल सङ्गठनकर्ताको छवि बनाउनुभएको थियो । स्व मोक्तानका श्रीमती, एक छोरा र तीन छोरी हुनुहुन्छ ।
प्रतिक्रिया दिनुहोस