असोज, २१ ।
२४ दिनदेखि अनसन बसिरहेका डाक्टर गोविन्द केसीको स्वास्थ्य अवस्था बिग्रँदै गएर नाजुक अवस्थामा पुगेको छ ।
यस्तै उनको शरीरमा थकान, रिंगाटा लाग्ने, मुटुको धड्कन अनियमित, मांसपेशी दुखाइको समस्या बारम्बार देखिन थालेको कुरा चिकित्सकहरूले बताएका छन् ।
उनको शरीरको रक्तचाप पनि घटेर ७०/५० पुगेको चिकित्सकहरूको भनाइ छ ।
डा. केसीको शरीरमा अक्सिजनको मात्रा पनि न्यून छ । उनलाई बेलाबेला अक्सिजन दिइएको छ ।
केसीको उपचारमा रहेका चिकित्सकहरू डाक्टर केसीको स्वास्थ्य अवस्था गम्भीर बन्दै गएपछि आन्तरिक परामर्शमा ध्यानाकर्षण गरेको बताएका छन् ।
