काठमाडौं- सुनचाँदी व्यवसायी तथा कालिगडहरूले सरकारले बजेटबाट सुनको गहनामा दुई प्रतिशत विलासी कर लगाएको विरोधमा काठमाडौंमा प्रदर्शन गरेका छन् ।
सुनको गहनामा अनिवार्य दुई प्रतिशत विलासी कर र हिराका गहना भ्याट प्रणालीमा लैजाने निर्णय भएपछि समितिले प्रदर्शन गरेको हो ।
स्वरोजगार कला र सीपसँग जोडिएको पेसालाई प्रोत्साहन गर्नुको सट्टा कानुनले नगदको रूपमा मानेको सुनलाई विलासिताको वस्तुको रूपमा कर लगाउँदा सुनको मूल्य अझ बढ्न गई उपभोक्ता देखि व्यवसायी मारमा पर्ने व्यवसायीहरूको भनाई छ ।
