काठमाडौँ । गायिका स्वरुपा सुवालको स्वर रहेको पप शैलीको गीत 'मनमा तिम्रो' सार्वजनिक गरिएको छ ।प्रेममा विश्वासघात गर्नेहरूसँग आफ्नो चोखो माया साट्न नसक्ने अडान गीतमा गायिकाले गरेकी छन् । स्वरुपाकै शब्द तथा सङ्गीत रहेको गीतमा राजन इशानको एरेन्ज छ ।
मनमा सजाएको प्रेमीले धोका दिए पनि आफ्नो जीवनको साहसिक यात्रा गर्न रुचाउने एक चेलीको कथालाई भिडियोको देखाइएको छ । भिडियोमा गायिका स्वरूपा र विकाश लामिछानेको अभिनय छ । भिडियोमा स्वरुपासँगै विकाश गज्जबले खुलेका छन् । सुब्रत आचार्यको निर्देशन रहेको भिडियोमा उत्सव दाहालको छायाङ्कन र विकाश दाहालको सम्पादन छ ।
