हेटौँडा । बागमती प्रदेशसभा सचिवालय जलमग्न भएको छ । केहीबेर भएको वर्षाका कारण बागमती प्रदेशसभा सचिवालय जलमग्न भएको हो ।
दिउँसो करिब १ बजेदेखि परेको वर्षाको कारण सचिवालयको परिसरमा पानी जम्दा जलमग्न भएको हो । वर्षाको पानीको उपयुक्त निकास नहुँदा सचिवालय परिसर तलाउ जस्तै बनेको छ ।
बागमतीको प्रदेशसभा बैठक सोमबार नै बोलाइएको छ । बैठकमा प्रदेश प्रमुख यादवचन्द्र शर्माले प्रदेश सरकारको आगामी आर्थिक वर्ष २०८१/८२ को नीति तथा कार्यक्रम प्रस्तुत गर्दैछन् । तर बैठक बस्नुअघि प्रदेशसभा परिसर जलमग्न छ ।
