काठमाडौँ । राष्ट्रिय प्रजातन्त्र पार्टीका प्रमुख सचेतक ज्ञानबहादुर शाहीले उपप्रधान तथा गृहमन्त्री रवि लामिछानेमाथि व्यंग्य कसेका छन् ।
आइतबार बसेको प्रतिनिधिसभा बैठकको सभामुखले दिएको समयमा बोल्दै शाहीले हिजोका दिनमा गृहमन्त्री रवि लामिछानेले विवादित नाम आउँदा छानबिनका लागि गृहमन्त्रीको मुटु छ कि छैन भन्दै प्रश्न गरेको स्मरण गराए । उनले गरिब जनताले बचत गरेको सहकारीको रकम अपचलन गरेको बताउँदै छानबिन गर्न दिन गृहमन्त्रीलाई आग्रह गरे ।
संसद संसद जस्तो नभएको बचाउँदै सत्ता तर्फको कुर्सीमा बस्दा र विपक्षीको कुर्सीमा बस्दा चरित्र फरक हुने गरेको बताए ।
उनले रसियामा अलपत्र परेका व्यक्तिहरूको उद्धार हुन नसकेको बताए । सांसद शाहीले सहरकारीको विषयमा छानबिन समिति बनाउन गृहमन्त्रीलाई आग्रह गरे ।
