जेठ ८ काठमाडौं । पशुपतिनाथको मन्दिरमा चढाइएको भेटी गन्ने क्रममा चोरी गर्ने कर्मचारीहरु पक्राउ परेका छन् । भगवानलाई चढाइएको भेटी गन्दै गर्दा पशुपति क्षेत्र विकास कोषका कर्मचारी अनिल परियारसहित आठ जना पक्राउ परेका हुन् ।
सिसी क्यामेरामा उनीरुले भेटी लुकाएको देखिएपछि उनीहरुलाई पक्राउ गरिएको विकास कोषले जनाएको छ । पक्राउ परेका सबैलाई छानबिनका लागि प्रहरी वृत्त गौशाला पठाइएको छ । परियार पशुपतिमा बाजा बजाउने कर्मचारी हुन् । प्रारम्भिक बयानमा परियारले कोषकै केही पदाधिकारीको निर्देशनमा चोरी गरेको बताएका छन् ।
