काठमाडौं । पछिल्लो समय ‘लाइभ दोहोरी’ भिडियोमार्फत् चर्चामा रहेकी गायिका बबिता बानियाँ ‘जेरी’ले ठमेलमा दोहोरी साँझ (रोधीघर) खोलेकी छन् ।
यसअघि बागबजारमा दोहोरी खोलेकी उनले नयाँ र आकर्षण डेकोरेसनसहित ठमेलको मुख्य चोकमै चाहना नामको दोहोरी साँझ खोलेकी हुन् ।
उनले पहिला दरबारमार्गमा दोहोरी साँझ व्यवसाय गर्थिन् र गीत पनि गाउँथिन् । दरबारमार्गमा पति शंकर क्षेत्रीसँग उनको साझेदारी थियो । पतिसँग सम्बन्ध विच्छेद भएपछि उनले छुट्टै दोहोरी खोलेकी थिइन् ।
अहिले ठमेलको दोहोरीमा उनीसँग केही चर्चित कलाकार समेत छन् । सोमबार उद्घाटनको अन्तिम दिनको कार्यक्रममा लोक तथा दोहोरी गायक बद्री पङ्गेनी र कृष्ण कँडेलसहित इन्द्रेणी टिम सहभागी थियो ।
उनको दोहोरीमा राखिएको मेन्युमा बियरको मूल्य एक हजार पर्छ । प्राय रात्रिकालिन मनोरञ्जन क्षेत्रमा यही हाराहारीकै मूल्य हुने गर्छ ।
