काठमाडौं । अमेरिकाको लस भेगासमा कन्जुमर इलेक्ट्रोनिक शो, २०२४ मंगलबारबाट सुरु भएको छ । उक्त प्रदर्शनीमा विश्वका सयौं प्रविधि कम्पनीहरु तथा १ लाख ३० हजार भन्दा धेरै मानिसहरु त्यहाँ पुग्ने अपेक्षा गरिएको छ । १२ जनवरीसम्म चल्ने प्रदर्शनीमा करीब ४ हजार प्रडक्टहरु प्रदर्शन हुने बताइएको छ ।
कन्जुमर इलेक्ट्रोनिक शोको औपचारिक सुरुवात अघि नै विभिन्न कम्पनीहरुले आफ्ना केही नयाँ तथा भिन्न प्रडक्टहरु पेश गरे । त्यसमध्ये विश्वकै पहिलो पारदर्शी एलइडी डिस्प्ले पनि एक हो ।
सामसुंग र एलजीले यो प्रदर्शनी सुरु हुनु ठीक अघि विश्वकै पहिलो पारदर्शी एलइडी टिभी सार्वजनिक गरेका छन् । सामसुंग भन्दा पहिले एलजीले आफ्नो पारदर्शी टिभी सार्वजनिक गर्यो । यो टिभी प्यानल पूर्णरुपमा पारदर्शी छ र त्यसमा कुनै पनि भेजल छैन ।
यदि तपाईंले सो टिभीलाई घरको भित्तामा राख्नुभयो भने जबसम्म तपाईंले टिभी खोल्नुहुन्न तबसम्म कसैले पनि तपाईंको घरमा टिभी छ भन्ने कुराको भेउ पाउँदैन । त्यस टिभीमा तपाईंले आफ्नो फोनको स्क्रिन पनि शेयर गर्न सक्नुहुन्छ ।
यस टिभीमा बिजुली जोड्नुका अतिरिक्त अरु कुनै पनि केबल राखिएको छैन । यसलाई वायरलेस टिभी पनि भनिएको छ जसमा एभी ट्रान्समिसन प्रविधिको प्रयोग गरिएको छ ।
सामसुंग र एलजी दुबैले अहिले उक्त पारदर्शी टेलिभिजनको मोडेल केवल प्रदर्शन मात्र गरेका हुन् र वर्षको अन्त्यसम्ममा यसको व्यवसायिक उत्पादन सुरु हुने अपेक्षा गरिएको छ ।
–एजेन्सी
