काठमाडौँ । दसैँ, तिहारलगायत छठमा हुने भीडलाई मध्यनजर गर्दै काठमाडौँ महानगरपालिकाले धरहरा क्षेत्रभित्र रहेको भूमिगत पार्किङ स्थलमा निःशुल्क अस्थायी पार्किङ सुरु गरेको छ ।
आइतबारदेखि सुरु गरिएको अस्थायी पार्किङको व्यवस्थापन काठमाडौँ महानगरपालिका वडा नम्बर २२ र जीआईईटीसी रमन जेभीले गर्नेछ । दसैँ–तिहारमा काठमाडौँको न्युरोडलगायत व्यापारिक क्षेत्रमा ग्राहकहरूको ठुलो भीड लाग्ने गर्दछ । जसले सो क्षेत्रमा पार्किङको ठुलो समस्या हुने गर्दछ । अस्थायी पार्किङको व्यवस्थाले यो समस्या समाधान गर्न केही सहज हुने महानगरले विश्वास लिएको छ ।
